Nicki Minaj មានរឿងសំខាន់៥យ៉ាង ដែលអ្នកមិនធ្លាប់ដឹង
27-October-2015 | ដោយ មួយឡា
ដោយការស្ទីលរ៉េបខុសប្លែកពីតារាដទៃ បានធ្វើឲ្យ Nicki Minaj មានកេរ្តិ៍ឈ្មោះល្បីក្នុងពិភពលោក។ ជាក់ស្ដែងចម្រៀងរបស់នាងជាច្រើនដូចជាបទ “Super Bass” និង “Anaconda”ជាំដើម។ ភាពល្បីល្បាញនេះ គឺកាន់តែធ្វើឲ្យអ្នកគាំទ្រចង់ដឹងនូវរឿង ពីក្រោយខ្នងរបស់តារារូបនេះកាន់តែខ្លាំង។ ខាងក្រោមនឹងបង្ហាញរឿង៥យ៉ាងដែលទាក់ទងនឹង Nicki Minaj កាលពីមុន។
១. Nicki ធ្លាប់រស់នៅក្នុងគ្រួសារដែលមានបញ្ហា
ការធំធាត់របស់តារាវ័យ៣២ឆ្នាំនេះ គឺមិនមែនងាយស្រួលទេ។ ជីវិតកុមារភាពរបស់នាងរស់នៅគ្រួសារមានទំនាស់។ ឪពុករបស់នាងប្រើអំពើហិង្សាក្នុងគ្រួសារ ដោយព្យាយាមសម្លាប់ម្ដាយដោយការដុតផ្ទះ។ តាមការឲ្យដឹងពេលនោះឪពុករបស់ Nicki គឺជាមនុស្សញៀនថ្នាំ។ កាលនៅអាយុ៥ឆ្នាំម្ដាយរបស់នាងបានបញ្ជូននាងឲ្យចាកចេញពីប្រទេស Trinidad and Tobago ទៅរស់នៅទីក្រុងញីវយ៉ក។
២. Nicki ធ្លាប់ធ្វើការជាអ្នករត់តុ
មុននឹងចាប់ផ្ដើមមានឈ្មោះល្បីល្បាញ តារាត្រគាកធំនេះធ្លាប់ធ្វើការនៅភោជនីយដ្ឋាន Red Lobster នៅរដ្ឋ Florida ។ នាពេលនោះនាងបានធ្វើការជាច្រើនកន្លែងមិនមែនតែមួយមុខទេ ប៉ុន្តែការងារជាអ្នករត់តុជាកន្លែងដែលល្អសម្រាប់នាង។
៣.ធ្លាប់មានរឿងថា Kanye West បានដកនាងចេញមិនឲ្យច្រៀងក្នុងបទ “Monster”
ប្រសិនបើអ្នកបានដឹងពី Kanye West គេគិតពីខ្លួនឯងធំជាងអ្វីៗទាំងអស់ក្នុងឆាកជីវិត។ មានពាក្យចចាមអារ៉ាមថា Kanye ចង់ដក Nicki Minaj ចេញពីបទចម្រៀង “Monster” ពីព្រោះគេគិតថា នាងល្អខ្លាំងពេក។ ប៉ុន្តែសំណាងល្អរឿងនេះមិនបានកើតឡើងទេ។
៤. Nicki គាំទ្រនិងជួយដល់ស្ត្រី
បន្ទាប់ពីបានឃើញការឈឺចាប់របស់ម្ដាយដែលទទួលរងការធ្វើបានពី ឪពុក តារាស្បែកខ្មៅរូបនេះ ប្ដេជ្ញាធ្វើខ្លួនឲ្យរឹងមាំដើម្បីម្ដាយ។ ចាប់តាំងពីពេលនោះមកនាងបានប្រឹងថែរក្សាម្ដាយ បរិច្ចាគធនធានផ្ទាល់ខ្លួនទៅដល់ស្ត្រី ដែលទទួលរងការរំលោភ និងអំពើហិង្សា។
៥. Nicki មិនចូលចិត្តឈ្មោះខ្លួនឯង
នៅពេលដែលនាងព្យាយាមរកឈ្មោះដាក់ក្នុងសិល្បៈ Nicki Minaj មិនមែនជាឈ្មោះដែលជាជម្រើសដំបូងដែលចង់បាននោះទេ។ ប៉ុន្តែមនុស្សម្នាក់ដែលធ្វើការជាមួយគ្នា ចង់ឲ្យនាងប្រើប្រាស់ឈ្មោះ“Minaj” ។ ឈ្មោះពិតប្រាកដរបស់នាងគឺ Onika Tanya Maraj។
ប្រភព៖ axs , sabay
ចំនួនអ្នកទស្សនា
- ថ្ងៃនេះ7371
- ម្សិលមិញ10901
- សប្តាហ៍នេះ22751
- ខែនេះ44631
- ឆ្នាំនេះ44631
- សរុប20487087